«Фистæгæйцæуæг» рейд

Фæндæгты закъæттæ канд шофыртæ нæ халынц. Фистæгæй цæуджытæ уыцы хъуыддагмæ ноджы сæрæндæр сты. Тæккæ тæссагдæр ран кæм уа фæндаджы сæрты ахизынæн, Хуыцау сæ ууыл бафтауы. Паддзахадон инспекцийы кусджытæ та сыл цуан кæнынц. Сарæзтой сæрмагонд рейд «Фистæгæйцæуæг», зæгъгæ. Йæ нысан уыд, басæттæн кæмæн нæй, уыцы закъонхалджыты æрцахсын.  Фæндаггон домæнтæ чи халы, уыцы фистæгцæуджытæн бауайдзæф кодтой. Дзæуджыхъæуы арæзт æрцыд рейд «Фистæгæйцæуæг». Сарæзтой йæ фæндагыл æдас цæуыны инспекцийы кусджытæ. Куйбышевайы уынг равзæрстой, сихорæй æмæ дзы фæскуыст машинæтæй ацæуæн кæй нæ вæййы, уый тыххæй. Рейды рæстæг фæсидтысты фæндаггон змæлды архайджытæм, цæмæй сæрмагонд домæнтæм сæ хъус дарой. Автоинспекторты хъуыдымæ гæсгæ, ахæм рейдты фæрцы фæндаггон фыдбылызтæ къаддæр фæвæййынц. «Фæндæгтæ сбырынцъаг сты. Уымæ гæсгæ, цыппар фæндаджы кæм баиу вæййынц, уыцы хæйттыл цæуын хъæуы уæлдай къæрцхъусдæрæй. Уымæн æмæ дзы фистæгæйцæуджытæн тæссагдæр вæййы», – патрулон службэйы инспектор Хетаг Мамедкеримов загъта. 2017 азы райдайæнæй шофыртæ скъуырдтой 98 адæймаджы, 11-æй дзы фемард сты, 89 та хъыгдард баййæфтой. Æгъдаухæлдтыты тыххæй 11 мæймæ автоинспектортæ фистæгæйцæуджытыл сарæзтой 4 мин хъуыддагæй фылдæр, шофыртыл та 5 мин административон хъуыддагæй фылдæр. Уæ зæрдыл уын æрлæууын кæндзыстæм, закъонмæ гæсгæ, 1 мин 500 сомæй ивар кæндзысты, шофыр домæнмæ гæсгæ иннæмæн фæндаг куы нæ радта, уый тыххæй. Фистæгæйцæуæг куы фехала сæрмагонд домæнтæ, уæд уый та фидын кæндзысты 5 сæдæ сомы. «Тынг тагъд кодтон. Ныммыххуыр кæнын мæ хъуыди къамтæ, æмæ сæ кæм мыхуыр кæнынц, уыцы бынат куы федтон, уæд фæндаджы сæрты азгъордтон. Æрмæст уый тыххæй фехæлдтон домæнтæ. |Æнæуый та сæм мæ хъус фæдарын», – Дзæуджыхъæуы цæрæг Зæнгионты Гæлинæ загъта. Самбегаты Аллæ та,фæндаджы сæрты хызти закъонмæ гæсгæ, фæлæ йæ шофыр фæцæйкъуырдта. «Хъыг мыну. Алцыдæр æмбарын: алчидæр тагъд фæкæны. Фæлæ шофыртæ хъуамæ къæрцхъусдæр уой, фистæгæй чи фæцæуы, уыдонмæ», – Дзæуыджыхъæуы цæрæг Алла Самбегаты загъта. Пелиты Сабинæ _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv