Терроризм æмæ экстремизмы ныхмæ мадзæлттæ

Цæгат Ирыстоны адæмыхæттыты `хсæн ахастдзинæдты министрады кусджытæн, психологтæн, педагогтæн, æхсæнадон организациты архайджытæн æмæ фæсивæды социализацийы центры уæнгтæн сарæзтой ахуыртæ. Ныхас кодтой экстремизм интернеты куыд парахат кæны, ууыл. Профилон информацион центры специалисттæ æрныхас кодтой терроризм æмæ экстремизмы ныхмæ тох кæнынæн цавæр мадзæлттæ аразын хъæуы, уый тыххæй. Уыимæ ма, закъон чи халы ахæм æрмæджытæ куыд раиртасын хъæуы, уый. Ахуырты кæронбæттæн архайджыты схорзæхджын кодтой сæрмагонд æвдисæндартæй. Уый фадат дæтты сæ зонындзинæдтæй кæстæр фæлтæрæн хай кæнын, уыимæ ма, æрыгон специалисттæн барадхъахъхъæнæн оргæнтимæ æмгуыст кæнын. Мадзал аразджытæ сты нæ республикæйы фæсивæды хъуыддæгты фæдыл комитет. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv