Мадæлты капиталæй бафидæн ис бинонты кæцыфæнды сывæллоны ахуырæн

Мадæлты капиталæй бафидæн ис бинонты кæцыфæнды сывæллоны ахуырæн. Уыимæ дзы чи спайда кæна, ууыл 25 азæй фылдæр хъуамæ ма цæуа æмæ ахуыр кæна Уæрæсейы. Мадæлты капиталæй бафидæн ис æмдзæрæны аргъ, кæд студент æндæр горæты цæры, уæд. Æдæппæтæй паддзахадон æхцайы фæрæзтæй Цæгат Ирыстоны ахуырæн бафыстой 1388 бинонтæ. Уый руаджы ахуырадон уагдæтты хыгъдтæ фæхъæздыгдæр сты 104 милуан 700 мин сомы. Ахуырæн мадæлты капиталæй бафидæн ис рагагъоммæ Пенсион фондмæ курдиат бадæтгæйæ. Ацы фадатæй спайдагæнæн ис Уæрæсейы цæрæг æмæ гражданин чи у, уыдонæн æмæ 2018 азæй фæстæмæ дыккаг сывæллон кæмæн райгуырд, уыцы бинонтæн. Цæгат Ирыстоны пенсион фондмæ æрвылмæйон фиддонтæ райсынæн курдиæттæ бафыстой 320 адæймаджы. Æхцайы фæрæзтæй уый у 23 милуаны æмæ 200 мин сомы бæрц. Адæмы удæнцойæн Пенсион фонды сайты ис æрвылмæйон фиддонты бæрц цас у, уый базонын. Цæгат Ирыстоны 2019 азы уыцы бæрæггæнæн у 9 мин æмæ 520 сомы. Бафтаудзыстæм ма уый, æмæ мадæлты капиталы бæрц ацы аз у 453 мины æмæ 26 сомы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv