Цъыккаты Владимиры уголовон хъуыддаджы фæдыл тæрхондоны æмбырд цæуы Дзæуджыхъæуы

Цъыккаты Владимиры уголовон хъуыддаджы фæдыл тæрхондоны æмбырд цæуы Дзæуджыхъæуы. Дарддæр фæрсынц æвдисæнты. Ацы хатт фæрстытæн дзуапп дæтты Косты Хетæг. Уый 2015 азы куыста Республикон клиникон рынчындоны реанимацион хайады. Куыд зæгъы, афтæмæй Цъыккаты Владимиры рынчындонмæ фæхæццæ кодтой уадзыгæй. Фыццаг медицинон æххуысы фæстæ рынчын йæ цæстытæ байгом кодта, йæ æнгуылдзтæ базмæлын кодта. Фæлæ уæддæр рынчыны уавæр нæ фæхуыздæр. Чысыл рæстæджы фæстæ Цъыккаты Владимир амард. Æвдисæн ма куыд бафиппайдта, афтæмæй рынчын реанимацион хайадмæ куы бахауд, уæд йæ разы уыд дыууæ адæймаджы. Чи уыдысты, уый медицинон кусæг нæ зоны. Фæлæ гуырысхо кæны пъæлицæйæгтæ уыдысты, зæгъгæ. Фæрстыты фылдæр хайæн Кочты Хетæг дзуапп лæвæрдта «нæ зонын», «нæ фехъуыстон», зæгъгæ. Ныртæккæ бынаты кусы нæ уацхæссæг. Бæлвырддæр информаци уын радзурдзыстæм нæ дарддæры равдыстыты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv