Битарты Вячеслав фембæлд Уæрæсейы вице-премьер Ольга Голодецимæ

Мæскуымæ кусæг балцы рæстæг Цæгат Ирыстоны сæргълæууæг Битарты Вячеслав фембæлд Уæрæсейы вице-премьер Ольга ГолодЕцимæ. Æрныхас кодтой Аланийы 1100 азы аргъуыды бæрæгбоны мадзæлттыл, Дзæуджыхъæуы Гергиты Валерийы культурон центры арæзтадыл æмæ нæ республикæ "2019-2025 азты Уæрæсейы федерацийы туризмы райрæзты" федералон программæмæ бахæссыныл. Битарты Вячеслав æмæ Ольга Голодец ма се `ргом аздæхтой Цæгат Ирыстоны национ музейы рацарæзт кæронмæ фæуыныл. Куыстытæн æхца радих кæндзысты 2019 азы. Рагагъоммæйы нымадмæ гæсгæ сын бахъæудзæн 489 милуан соммæ `ввахс. Сæ фылдæр сты федералон бюджеты фæрæзтæ. Фембæлды рæстæг ма æркастысты æндæр фарстæм дæр. Бæлвырд хъуыддæгты фæдыл рахастой бæлвырд уынаффæтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv