Æппæт Уæрæсейы цæуы «Блокадный хлеб» зæгъгæ, акци

Æппæт Уæрæсейы цæуы «Блокадный хлеб» зæгъгæ, акци. Ленинграды цæрджыты хъæбатыр цаутæ мысынц Цæгат Ирыстоны дæр. Акцийы фæлгæты, йæ архайджытæ бацæттæ кодтой сæрмагонд стендттæ Ленинграды æрхъулайы тыххæй, стъæлттыл равæрдтой хæсты заманы Ленинграды цæрджытæн цы дзулы къæбæртæ лæвæрдтой, раст ахæмтæ. Блокадæйы 1 мæйы фæстæ дзулы бæрц фæкъаддæр 600 граммæй 125 граммæ. Дзулæй уæлдай ма - æрмæстдæр дон. 872 бонмæ амард 1 милуанæй фылдæр адæм. Ацы акци у сæ ном арынæн. Адæмæн сæ бон уыд райсын сæрмагонд буклеттæ. Фыст дзы уыд адæм куыд хъизæмар кодтой уыцы бонты, уый тыххæй. Йæ амидингæнджытæ фæсивæды хъуыддæгты фæдыл комитет æмæ æппæтуæрæсеон адæмон фронты регионалон хайады уæнгтæ. Æххуыс сын кодтой æвзонг æфсæддонтæ æмæ Уæлахизы бархионтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv