Дзæуджыхъæуы æнтыстджынæй кусы «Яндекс.Лицей»

Дзæуджыхъæуы æнтыстджынæй кусы «Яндекс. Лицей». Йæ фæрцы нæ горæты байгом сты компьютерон программæты курсытæ. Проекты сæйраг нысан у - хистæр кълæсты ахуырдзаутæн ахуырады ног фæзилæнтæ амонын. Лицеймæ бацæуын бафæндыд 100 сывæллонæй фылдæр. Уыдонæй равзæрстой æрмæстдæр 20. Ахуыр кæндзысты къордгай. Фæсивæд зонгæ кæндзысты практикон хуызы теорийæ цы райсой, уыцы хъуыддæгтимæ. Лицейы ахуырдзаутæ аразын базондзысты алыхуызон компьютерон æрмæджытæ, эксперименттæн хатдзæгтæ кæнын. Æппæт уыцы зонындзинæдтæ сын амондзысты ахуыргæнджытæ. Уыдон ацыдысты сæрмагонд ахуыртæ «Яндекс. Лицей»-йы. Программæ кусы Уæрæсейы 131 фæзы. Цавæр хæстæ æвæрынц фæсивæд сæ размæ æмæ ахуырады сæ æнтыстдзинæдты тыххæй баззыдта ме `мкусæг Уазиты Зæлинæ. Хъулаты Арианæ ахуыр кæны Дзæуджыхъæуы 5-æм гимназы, 9-æм къласы. Ацы аз дæтдзæн Паддзахадон сæйраг фæлварæн. Чызг, цавæр ахуырадон предметтæ равзардзæн, уыдон рагæй сбæлвырд кодта. Се 'хсæн сæйраг - информатикæ. Фæлæ фидæны цавæр дæсныйад равзардзæн, уый нырма бæрæг нæу. Фæлæ уал ныры онг йæ тыхтæ фæлвары Яндекс-лицейы 'руаджы. Уый абон æрбацыд Цæгат Ирыстоны Паддзахадон университетмæ æмæ кадджын уавæры бакъахдзæф кодта ног уæлдæр ахуырадон бынатмæ. «Яндекс. Лицей»-зæгъгæ, кæй хонынц, уый Уæрæсейы кусын райдыдта æртæ азы размæ. Нæ республикæйы ахуыры ахæм хуыз фæзынд Цæгат Ирыстоны сæргълæууæг Битарты Вячеслав æмæ информацион технологиты разамынды хъæппæрисæй. Сæлбиты Алан нын куыд радзырдта, афтæмæй лицейы куыст баст у нымæцон технологитимæ. Йæ сæйраг нысан та у хъæугæ специалистты бацæттæ кæнын. Ацы лицей Цæгат Кавказы федералон зылды у фыццаг. Ивгъуыд азы конкурсы хуызы 93 сывæллонæй равзæрстой 20. Ууыл куыст нæ нылæууыд. Ацы аз ахуыргæнинæгтæ фæфылдæр сты. Ныртæккæ 20 бынатмæ цыдысты 193 адæймаджы. Уыимæ ма нæ республикæйы сæргълæууæджы курдиатмæ гæсгæ 7 бынаты радтой Мæздæджы районæн. Уыдон та кусдзысты дистанцион фæткмæ гæсгæ. Ныры онг лицейы ахуырдзаутæ равдыстой стыр æнтыстдзинæдтæ. Лицейы ныридæгæн кусынц дыууæ зындгонд ахуыргæнæджы. Уыдон бацæттæ кæнынц сæрмагонд программæ. Уый фæстæ уымæ гæсгæ сæ ахуыр рацаразынц. Уый сын фадат дæтты зонындзинæдтимæ бирæвæрсыгæй зонгæ кæнын, цæмæй бæрзонддæр къæпхæнтæм схизын сæ бон уа. Æрæджы Яндекс-Лицейы минæвæрттæ бацагуырдтой нæ республикæйы курдиатджындæр рауагъдонты, цæмæй сæ тыхтæ бавæлварой Уæрæсейы хуыздæр куыстуæтты. Ныфс сын радтой, сæ мызд æмбæлгæ æмвæзадыл кæй уыдзæн, уый дæр. Къутæрты Аидæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv