Мысæн бон

Мидхъуыддæгты министрады музейы æрæмысыдысты инæлар Плиты Иссæйы ном. Мадзалмæ æрбацыдысты ветеранты Советы уæнгтæ, Мидхъуыддæгты министрады ветерантæ æмæ Суворовы номыл училищæйы хъомылгæнинæгтæ. Кадджын уавæры мысæн изæры байгом кодтой равдыст "Память на страницах", зæгъгæ. Фенæн дзы ис газет "Социалистическая Осетия", "Растдзинад" æмæ "Мах дуг"-æй 60-æм æмæ 70-æм азтæй ист æрмæджытæ Плиты Иссæйы тыххæй. Уымæй уæлдай ма Фыдыбæстæйы Стыр хæсты хъайтары тыххæй республикæйы Мариинаг театры филиалы зарæггæнджытæ акодтой хæстон зарджытæ. Уымæй уæлдай ма мадзалы равдыстой мультипликацион киноныв "Иссæ". Йæ автор у 12-аздзыд Мырыкаты Артемий. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv