Наркотиктæ — поезды фидауц?

Сæрæнгуырд кæмфæнды дæр бæрæг фæдары. Санкт-Петербургæй Дзæуджыхъæумæ цæуæг поезды фæндагамонæг бавдæлд æмæ сфæнд кодта йæ куысты мыздæй уæлдай ноджы фылдæр æхца самал кæнын. Æмæ куыдæй?! Гашиш йæ вагоны бæлццæттæн уæй кæнынæй. Хабар æрцыд ивгъуыд азы, майы, фæлæ нырма ныр рабæрæг. 48-аздзыд лæгæн уый, æвæццæгæн, фыццаг цау нæу. Фæлæ ацы хатт йæ сусæг амалхъомдзинад нæ фæрæстмæ. Барадхъахъхъæнджытæ йæ `рцахстой, бæлццæттæй кæмæндæр 9 граммы гашиш 10 минæй куы ауæй кодта, уæд. Йæ купейы ма йын транспортон пъæлицæйæгтæ ссардтой ноджыдæр цалдæр тыхтоны наркотикимæ. Фæндагамонæджы ныхмæ байгом кодтой уголовон хъуыддаг 228-æм статьямæ гæсгæ. Тæрхондон нæлгоймаджы азымджыныл банымадта, айтæ-уйтæ нал фæкодта æмæ йæ карз уавæртимæ ахæстонмæ 10 азы `мгъуыдмæ бафæндараст кодта. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv