Классикæйы уддзæф

Цæгат Ирыстоны оперæ æмæ балеты национ театры сценæйыл равдыстой оперæ «Аида». Премьерæйы архайдтой Мариинаг театры артисттæ æмæ ирон зарæггæнджытæ. Цæгат Ирыстоны аивадуарзджытæн, композитор Джузеппе Вердийы оперæ «Аида» сæ зæрдæмæ фæцыд. Оперæ сæвæрдта Уæрæсейы аивæдты сгуыхт кусæг Алексей Степанюк. Уыд режиссæр æмæ сценограф дæр. Спектаклы музыкалон разамонæг, Уæрæсейы адæмон артисткæ Гергиты Ларисæ. Уацмысы хъуыды у ахсджиаг абоны бон дæр. Спектаклы хъайтарты равзарын хъæуы хæс кæнæ уарзондзинад. Сæйраг партитæй иу азарыд Мариинаг театры æрыгон зарæггæнджыты академийы солисткæ. Йæ ныхæстæм гæсгæ оперæйыл куыстой зæрдæргъæвдæй, фæлæ æвæрд куыд æрцыд, уымæй разыйæ баззад. Аидæйы сурæт ахъазын æнцон нæ уыд. Мария Баянкина, солистка Академии молодых оперных певцов Мариинского театра: «Æнцон нæ уыд, стыр куыст бакодтам. Цалдæр къæпхæны сæрты ахызтызтæм. Тынг æхсызгон мын у нæхи дзæуджыхъæуккаг музыкалон театр æй кæй сæвæрдта æмæ нæ репертуары дæр кæй ис ацы спектакль, уый». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv