Нæ кæстæрты наркотиктæй бахизæм

2020-æм азмæ наркотикты ныхмæ паддзахадон стратеги куыд æххæстгонд цæуы, ууыл æрдзырдтой абон Цæгат Ирыстоны наркотикты ныхмæ къамисы æмбырды. Амыдта йæ республикæйы сæргълæууæг Битарты Вячеслав. Цæмæй сывæллæтты æмæ фæсивæды æхсæн наркотиктæ ма парахат кæной, уый тыххæй сæ хъуыдытæ загътой Цæгат Ирыстоны фæсивæды хъуыддæгты фæдыл комитеты сæрдар Джусойты Руслан, стæй ахуырад æмæ наукæйы министр Азымты Иринæ. Хосты æфсонæй æнæзакъонæй цы наркотиктæ уæй кæнынц, стæй посты æмæ электрон хызæгты руаджы наркотиктæ уæй кæныны ныхмæ цы мадзæлттæ арæзт цæуы, уый тыххæй та фехъусын кодта нæ республикæйы наркотиктæ парахат кæнынмæ цæстдарæг управленийы сæрдар Хынцæгты Нодар. Битарты Вячеславы ныхæстæм гæсгæ, наркотикты ныхмæ тох кæнын хъæуы æгас дунейæ дæр иумæ. Уагдæтты æмæ æхсæнадон организацитæ æмгуыст куы нæ кæной, уæд сыл фæтых уæвæн нæй. Республикæйы сæргълæууæг бахæс кодта, закъонхалджыты нæмттæ дзыллон информацион фæрæзты хъусын кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv