Сывæллæтты цинæн

Дзæуджыхъæуы Олимпаг парчы кæстæр кары сывæллæттæн равдыстой ирон æвзагмæ тæлмацгонд мультипликацион кинонывтæ. Хæрзаудæн мадзал «Дружный двор» сарæзтой республикæйы культурæ æмæ ахуырады министрадтæ. Гом арвы бын Дзæуджыхъæуы чысыл цæрджытæм æнхъæлмæ каст æцæг бæрæгбон. бахъæлдзæг ма сæ кодтой алыхуызон æркастытæй, кафыдысты, зарджытæй. Сабитæ бакастысты сапондоны таппузты равдыстмæ æмæ фæйнæ сæлдæджы лæварæн райстой. Ацы цымыдисаг программæйы фæстæ та сывæллæттæн равдыстой «Винни-Пух» иронау куыд дзуры, уый. Нæ республикæйы культурæйы министрады куыд зæгъынц, афтæмæй ахæм мадзæлттæ фæнд кæнынц иннæ хæдзæртты кæртыты æмæ фæлладуадзæн бынæтты дæр саразын. Уыимæ æрмæст горæты нæ, фæлæ районты дæр. Мадзал аразджыты ныхæстæм гæсгæ, ахæм ирхæфсæн акциты хуызы сывæллæттæ ирон æвзаг хуыздæр бахъуыды кæнынц æмæ ахуыр кæнынц, кæнынц æм æмхиц дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv