Цæгат Кавказы хæххон-металлургон институты аспирант Уалыты Азæмæт рамбылдта инновацитæн æххуысы фонды æркаст "Студенческий стартап"-ы. Йæ проект баст у, стыр панелон цæрæн хæдзæрттӕ зæххæнкъуысты рæстæг фӕцуддзысты æви нæ, уый рагагъоммæ базоныны системæимæ. Кæд æмæ стартапы темæ конкурсмæ нæ хауы, уæддæр æй фонд равзæрста, уымæн æмæ у социалон æмæ экономикон æгъдауæй вазыгджын. Уый уымæн, æмæ Цæгат Ирыстон лæууы сейсмологон æгъдауæй тæссаг ран. Проекты фæлгæты Уалыты Азæмæт йæ наукон разамонæгимæ сараздзæн хæдзæртты нымæцон модельтæ, сбардзæн цас хъæддых разындзысты зæххæнкъуысты рæстæг, сейсмологон фæзындтæ сыл куыд ахаддзысты. Институты аспирант уыцы куыст фыццаг аз нæ кæны. Наукон журналты йын ис уацтӕ ацы темæйыл, стæй фыссы диссертаци дæр.