Æргом ныхас

Цæгат Ирыстоны Паддзахадон университеты та Битарты Вячеслав æргомæй ныхас кодта фесивæдимæ. Цымыдисаг фарстатæ æмæ ныфсдæттæг дзуаппытæ хъуыстысты залы. Фæсивæд фылдæр фарстой мызд æмæ кусгæ боны фæткы тыххæй. Битарты Вячеслав куыд фæнысан кодта, афтæмæй стыр мызд исын бирæты фæнды. Фæлæ уый тыххæй бирæ фыдæбон кæнын кæй хъæуы, уый та сæ рох у. «Æнцон куыст агурын нæ хъæуы» - загъта Битарты Вячеслав æмæ фæсидт фæсивæдмæ, цæмæй скъола каст фæуыны фæстæ куыст дæттыны службæйы хыгъды слæууой. Æрбацæуджыты `хсæн уыдысты курджытæ дæр. Зæгъæм, Æрыдоны районы амалхъомдзинады нырма ныр чи райдыдта йæхи фæлварын, уыцы фæсивæд бахатыдысты æххуысмæ. Битарты Вячеслав куыд загъта, афтæмæй æрыгон амалхъом адæмæн ацы аз радих кодтой 80 милуан сомы. Алкæмæндæр сæ йæ бон уыдзæн 300 мин сомы бæрц райсын. Дзырдтой ма мадæлон æвзаг ахуыр кæныныл. Республикæйы сæргълæууæджы хъуыдымæ гæсгæ, алы ирон адæймагæн дæр йæ хæс у мадæлон æвзаг зонын æмæ йыл дзурын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv