Цæгат Ирыстоны фæнд кæнынц туроператортæм фæкæсыны системæ саразын

Цæгат Ирыстоны фæнд кæнынц туроператортæм фæкæсыны системæ саразын. Бакусдзæн ыл республикæйы райрæзты агентад, туризмы регионалон комитетимæ иумæ. Уый фехъусын кодта республикæйы сæргълæууæг Битарты Вячеслав. «Фæнды нæ снысан кæнын цалдæр туроператоры, хорз уаид канд Уæрæсейæ нæ, фæлæ ма фæсарæнтæй дæр туристтæ куы ныггуылф кæниккой» - загъта республикæйы сæргълæууæг. Уыимæ ЦИПУ-йы цæттæ кæнын райдыдтой туризмы къабазы специалистты. Уыцы хæс Битарты Вячеслав сæвæрдта республикæйы æппæт уæлдæр ахуыргæнæндæтты размæ. Æппæт мадзæлттæ фыццаджыдæр хъæуынц Мамысоны проектæн. Курорт куы байгом уа, уæд дзы хъуамæ цæттæ специалисттæ кусын райдайой. Республикæйы куыст дæттыны уавæрыл дæр ахæм практикæ хуыздæрырдæм фæзындзæн. Уый тыххæй Битарты Вячеслав дзыллон информацион фæрæзтæн радзырдта медиа-форумы рæстæг Махачкалайы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv