Математикæйæ æппæтадæмон олимпиадæ

Цæгат Ирыстоны паддзахадон университеты математикæ æмæ информацион технологиты факультеты фæзындзæн киберæдасдзинад ахуыр кæныны хайад. Уæлæмхасæн математикæйы кафедрæйы доцент Хуыдæлты Марат куыд радзырдта, афтæмæй ныртæккæ ныхас кæнынц компани «Инфотекс»-имæ. Уый у информаци хъахъхъæнæн программæтæ аразæг компаниты `хсæн раззагдæр. Ног ахуыры азы студенттæ базондзысты информаци дæлгоммæ нысæнтты руаджы куыд бамбæхсæн ис æмæ киберæдасдзинад цы у, уый. Уый фехъусын кодта математикæйæ æппæтадæмон олимпиадæйы советы уæнг Назар Агаханов республикæмæ йæ кусæг балцы рæстæг. Цæгат Ирыстоны ахуыргæнджыты зонындзинæдтæ фылдæргæнæн институты сарæзта дæсныйадæвдисæг ахуыртæ. Агахановы балцы сæйраг нысан уыд нæ бæстæйы олимпиадæтæ парахат кæнын. Йæ лекцитæм 100 ахуыргæнæгæй фылдæр æрбацыд. Хæстæгдæр дыууæ боны та фембæлдзæн математикæйы æмæ информацион технологиты олимпиадæты уæлахиздзаутимæ. Математикæйæ æппæтадæмон олимпиадæйы советы уæнг Назар Агаханов: «Лыггæнинаг фарстатæ ис, æмæ уый сусæггаг нæу. Бакусын сыл хъæуы, дарддæр кæдæм рæзæм, уый дæр ис. Цæгат Ирыстоны математикæ ахуыр кæныныл æнувыд кæй у, уый зонæм. Ног программæйæн дæр саразæн ис». _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv