Национ проектты тыххæй

Нæ республикæйы хицауады сæрдар Тускъаты Тамураз архайдта национ проекттæ куыд æххæстгонд цæуынц, уый фæдыл æмбырды. Амыдта йæ Уæрæсейы премьер министр Дмитрий Медведев. Ныхас кодтой интренеты бастдзинады фæрцы. Æмбырды архайдтой æппæт регионты æххæстгæнæн оргæнты минæвæрттæ. Дмитрий Медведев куыд фехъусын кодта, афтæмæй цы 12 национ проекты сбæлвырд кодтой, уыдонмæ гæсгæ хъуамæ аразын райдайой рынчындæттæ, скъолатæ, фæндæгтæ æмæ ног хæдзæрттæ. Йæ ныхæстæм гæсгæ, уыцы хæрдзтæн 3 азмæ уал радих кæндзысты 6 триллион сомы. Æмбырды архайджытæ куыд фæнысан кодтой, афтæмæй цæмæй национ проекттæ æнтыстджынæй кусой, уый тыххæй сæм регионты хицауад хъуамæ лæмбынæг кæса. Куыстæн азмæ 2 хатты кæндзысты хатдзæгтæ. Дмитрий Медведевы ныхæстæм гæсгæ, Уæрæсейы хицауад йæ размæ сæвæрдта хæс, тагъд рæстæгмæ адæмы царды хуыздæрырдæм ивддзинæдтæ куыд æрцæуа, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv