Рæзты программæ

Фыстæ дарыны куыст чи кæны, уыдонæн Цæгат Ирыстоны сарæзтой фæндаггон картæ. Йæ фарс рахæцыд Рæзты агентад. Уый тыххæй фехъусын кодтой нæ республикæйы сæргълæууæг Битарты Вячелавы æмæ министрты фембæлды рæстæг. Фыстæ парахат кæнынæн пайда кæндзысты Алагиры, Горæтгæрон æмæ Æрæфы районы зæххытæй. Æдæппæтæй 20 мин гектарæй фылдæр. Уымæй уæлдай, 8 мин гектары зæхх та хосгæрдæнтæн райсдзысты. Хъæууон хадзарады министрад ныридæгæн сбæрæг кодта программæйы чи архайдзæн, уыдоны. Бюджетæй, 5 азы æмгъуыдмæ, радих кæндзысты 300 милуан сомы. Ахæм хуызы фæнд кæнынц ацы къабаз апарахат кæнын æмæ фысты нымæц æртæ хатты фæфылдæр кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv