Куыстуæттæ сæхгæдтой

Зынгсирвæзтытимæ баст барадхæлдтытæ чи иртасы, уыцы специалисттæ Цæгат Ирыстоны бабæрæг кодтой 130 куыстуатæй фылдæр. Аиппытæ ссардтой базарадон центртæ "Арктикæ" æмæ "Глобус"-ы, ирхæфсæн центртæ "Остров сокровищ", "Радугæ" æмæ "Рио"-йы. Цыбыр рæстæгмæ дзы æппæт аиппытæ куы нæ аиуварс кæной, уæд сæ сæхгæндзысты. Цавæр зæрдæхсаинаг объекттæ ма ис Дзæуджыхъæуы, уый зонынц не сфæлдыстадон къорды уæнгтæ. Ныр цалдæр боны базарадон центр "Глобус"-ы алыварс никæй фендзынæ. Цæуыннæ? Уымæн ис хуымæтæг дзуапп - адæмы æдасдзинадыл хъуыдыгæнгæйæ, Прокурæтурæйы уынаффæмæ гæсгæ цыппæрæм бон центр æхгæд у. Нæ республикæйы сæрмагонд ведомствæтæ бæрæг кæнынц адæм бирæ кæм вæййы, ахæм объекттæ. Æдæппæтæй бабæрæг кæндзысты 150 бынаты. Пъланмæ гæсгæ не сты. Ныридæгæн специалисттæ цы хатдзæгтæ скодтой, уыдонмæ гæсгæ аиппытæ се ппæты дæр ис. Уый аххосæй гæнæн ис æмæ 25 куыстуаты сæхгæндзысты. Зынгсирвæстыты æдасдзинады сбæрæг кæныны мадзæлттæ прокуратурæйы кусджытæ арæх расидынц. Æххæст та сæ фæкæны æнæнхъæлæджы уавæрты министрад. Кемеровæйы цы фыдбылыз æрцыд, ууыл бирæ фыстой æмæ дзырдтой. Уæрæсейы президент Владимир Путин та фæбæрæг кодта, бирæ куыстуæтты зынгсирвæстытæй хъахъхъæныны системæтæй куыд æмбæлы, афтæ кæй не сты. Сæ фылдæр сты зæронд æмæ æдасдзинады домæнтæн дзуапп нæ дæттынц. Зынгсирвæстæн та бирæ нæ хъæуы, уымæ гæсгæ объект бахъахъхъæнынæн фæагурынц æмæ спайда кæнынц алыхуызон фæрæзтæй. Фæлæ хъуыддаг хуымæтæг нæу. Æрмæст æй иуырдыгæй æвзарын рæдыд у. Канд адæмы æдасдзинадыл ныхас нæ цæуы. Къаддæр не сты экономикон фарстатæ дæр. Уæвæр зонгæйæ, республикæйы сæргълæууæг куыстуæтты æмæ дзуаппдæттæг оргæнты минæвæрттимæ сарæзта æмбырд. Фембæлды куыд рабæрæг, афтæмæй, амалхъом адæм уавæр æмæ сæ рæдыд æмбарынц æмæ зæрдæ бавæрдтой аиппытæ аиуварс кæнынæй. Уыцы хъуыддагыл цыбыр рæстæгмæ бакуыста Сæйраг Универсалон дукани. Эксперттæ куыд зæгъынц, афтæмæй, базарадон объекттæ иууылдæр куы сæхгæной, уæд уый нæ республикæйы экономикæйыл хорзырдæм нæ фæзындзæн. Уымæ гæсгæ бæрнон кусджытæ æмæ эксперттæ архайынц фарста алыг кæнынæн æндæр гæнæнтæ ссарыныл. Амалхъом адæм сæхимæ ныхасы бар райсынмæ не сразы сты. Куыд загътой, афтæмæй, барадхæлдтытæ кæй раст кæнынц, уымæ гæсгæ тынг æнæвдæлон сты. Фæлæ ис иу сæйраг фарста- уавæр зонгæйæ, аиппытæ аиуварс кæныныл раздæр цæуыннæ бакуыстой?! Уый ничи зоны. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv