Джанайты Барис культурæйы архайджыты фæнысан кодта арфæйы фыстæджытæй

Цæгат Ирыстоны æххæстбарджын минæвар Уæрæсейы президенты цур Джанайты Барис арфæйы фыстæджытæй фæнысан кодта Мæскуйы адæмон кæфтыты ансамбльты разамонджыты. Загъта сын бузныг къорд азты дæргъы нæ бæстæйы сæйраг горæты ирон кæфтыты райрæзтмæ стыр æвæрæн кæй бахастой, уый тыххæй. Джанайты Барис куыд бафиппайдта, афтæмæй стыргъ аргъ кæны ацы хъуыддагæн. Кафт æмæ зарды руаджы Цæгат Ирыстоны тыххæй базоны фылдæр адæм. Разамонджыты схорзæхджын кодтой Цæгат Ирыстоны культурæйы министрады кады гæххæтытæй. Уазджытæ æххæстбарджын минæварæн загътой бузныг се ргом сæм кæй раздæхта, уый тыххæй. Нæ йын басусæг кодтой фидæнмæ сæм цы пълæнттæ ис, уыдон дæр. Джанайты Барис бахаста хъæппæрис фидæны æмбырд ноджы парахатдæрæй саразын. Дзурдзысты дзы мæскуйыаг фæзты иумæйаг куысты тыххæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv