Æрдзхъахъхъæныныды министрад рахаста чи нал бæззы, уыцы дзаумæттæ фесафыныл 100% бакусыны хъæппæрис

Æрдзхъахъхъæныныды министрад рахаста чи нал бæззы, уыцы дзтумæттæ фесафыныл 100% бакусыны хъæппæрис. Уый тыххæй фыссы газет «Коммерсант». Вице-премьер Алексей Гордеев бабар кодта финансты æмæ экономикон рæзты министрадты кусджытæн æрдзхъахъхъæнынады министрады хъуыдытæм æркæсын. Афтæмæй ма хъæуы экологон фиддон дæр фидын. Ивгъуыд аз уый руаджы райстой 2,2 миллиард сомы. Ныр та æрдзхъахъхъæнынады министрад уыцы бæрæггæнæн фæнд кæны 136 миллиардмæ схæццæ кæнын. Уыдонæй æппæты фылдæр хай - 47 миллиард сомы - министрад сæмбырд кæнынмæ хъавы электроникæ бакусынæй. Хъæбæр æмæ хуымæтæг гæххæт бакусынæй та - 22 миллиард сомы. Иннæ хуыз хауæтдзæгтæ бакусынæй та министрад фæнд кæны къаддæр æфтиæгтæ сæмбырд кæнын. Хъусынгæнинагмæ гæсгæ, утилизацийы бæрæггæнæн 100%-мæ сисынæн цыбыр рæстæгмæ гæнæн нæй. Уымæн æмæ, уый, гæнæн ис, æмæ расайа æргътæ схизынмæ дæр. Экспертты ныхæстæм гæсгæ, æргътæ схиздзысты 1-2%. Ацы хъуыды ма раздæр разынд промышленность æмæ базарады министрадмæ. Фæлæ уæд æрдзхъахъхъæнынады министрад йæ фарс нæ рахæцыд. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv