Æвзæрстытæм домæнтæ

Уæрæсейы президенты æвзæрстытæ хъуамæ ацæуой æнæ барадхæлдтытæй. Уый тыххæй фехъусын кодта нæ республикæйы сæргълæууæг Битарты Вячеслав. Йæ ныхæстæм гæсгæ, хъæлæс кæныны бонмæ цæттæдзинадæй разы куы нæ уа, уæд алкæмæй дæр дзуапп бадомдзæн. Æмбырды архАйдтой Парламенты депутаттæ, районты разамонджытæ, министртæ æмæ территориалон æвзарæн къамисты уæнгтæ. 18-æм мартъийы байгом кæндзысты 372 æвзарæн хайады. 25 дзы уыдзысты рæстæгмæ – рынчындæтты, вокзалты æмæ æфсæддон хайæдты. Рагагъоммæйы нымадмæ гæсгæ æвзæрстытæм хъуамæ æрбацæуой 512 мин адæймагæй фылдæр. 60-ай мины дзы сты йе `нæниздзинад хъыгдард кæмæн у, ахæмтæ. Уыдонæн дæр сараздзысты хъæугæ уавæртæ. Æвзарæн хайæдты сын сæвæрдзысты 50 сæрмагонд кабинæйы. Битарты Вячеслав ма куыд загъта, афтæмæй хъæлæс кæныны фадат хъуамæ уа алкæмæн дæр æмæ кæм фæндыдæр. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv