Терроризмы ныхмæ

Терроризмы ныхмæ тох кæнын - æххæстгæнæн оргæнтæн сæ хæс у. Хъуамæ йыл кусой алы бон дæр. Ууыл дзырдтой терроризмы ныхмæ къамисы радон æмбырды. Амыдта йæ нæ республикæйы сæргълæууæг Битарты Вячеслав. Æмбырды архайдтой хицауады уæнгтæ æмæ муниципалитетты разамонджытæ. Сæйраг фарста - сæрмагонд куысты пълан æххæст кæнын æмæ ахсджиаг социалон объекттæ хъахъхъæнын. Нациты хсæн ахастдзинæдты фарстаты министр Цуциты Аслан куыд загъта, афтæмæй уæлдай тæссаг сты социалон хызæгтæ. Æрмæст ацы аз интернеты загъдкъахæн ныхæстимæ æмæ экстремизмæ чи сиды, ахæм хъусынгæнинæгтæ рабæрæг кодтой 32. Æмбырды æрныхас кодтой специалисттæ бацæттæ кæныныл, цæмæй интернеты æдасдзинадмæ уæлдай цæстдард цæуа. Битарты Вячеслав бабар код та фæсивæдимæ фембæлдтытæ дæр аразын æмæ сын амонын хи куыд бахъахъхъæнын хъæуы тæссаг уавæры. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv