Цæгат Ирыстоны хъавынц каскадерты скъола бакæнын

Цæгат Ирыстоны каскадерты скъола куы фæзына, уæд фæсивæд фылдæр`ргом здахдзысты ахæм куыст кæнынмæ. Уый тыххæй дзуры зындгонд каскадер, не`мзæххон Уртаты Эльбрус. Ныртæккæ йæ къордимæ кусы фæсарæнты. Уым исынц индиаг киноныв. Бæстон куыст хъуамæ бакæной. Ныртæккæ йын йе`рдæг систой, дарддæрта йæ хæццæ кæндзысты сæрды, Гималайты. Хъæудзæн егъау сценæтæ сисын. Уыдон баст уыдзысты тохтимæ æмæ хæстон архайдимæ. Ныридæгæн дзы кусы 50 каскадерæй фылдæр. Сæ фылдæр сты фæсарæйнаг актертæ. Фæлæ Уртаты Эльбрусы фæнды ахæм куыст кæнын цæгат рыстонæй рацæуæг кусджытимæ. Уый тыххæй та, дам, хорз уаид, цæмæй Цæгат Ирыстоны фæзына сæрмагонд скъола. Кæй зæгъын æй хъæуы, ацы фарста раздæр дæр уыд дзирддаг. Ахæм хъæппæрис бахаста республикæйы сæргълæууæгмæ дæр. Уый йæ фарс рахæцыд. Хъуыдымæ гæсгæ, скъола байгом кæныныл хъуамæ бакуыстаид ресубликæйы культурæйы министрад. Уртаты Эльбрус куыд зæгъы, афтæмæй ацы хъуыддагыл куы бакусорй, уæд уый хорзырдæм фæзындзæн нæ республикæйыл. Скъолайы ахуырдзаутæн æмæ рауагъдонтæн æнæмæнг куыст уыдзæн фæсарæнты. Йæхæдæг дæр цæттæ у, уымæй баххуыс кæнын. Мах абон аныхас кодтам Уртаты Эльбрусимæ интернеты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv