Сергей Меняйло фембæлд Уæрæсейы историон æхсæнады разамынды сæрдары хæстæ рæстæгмæ æххæстгæнæгимæ

Уæрæсейы историон æхсæнады ног проекттæ нæ республикæйы куыд кусынц, уый тыххæй Цæгат Ирыстоны сæргълæууæг Сергей Меняйло кусæг фембæлды рæстæг æрдзырдта æхсæнады разамынды сæрдары хæстæ рæстæгмæ æххæстгæнæг Гæгкуты Русланимæ. Уый республикæмæ сцыд  историон-документалон равдыст «Казаки Кавказа – верные сыны Отечества»-йы гом кæныны мадзалы бацархайынмæ. Фембæлды ма архайдтой Цæгат Ирыстоны паддзахадон университеты ректор Огъуаты Алан æмæ уæлдæр ахуыргæнæндоны наукон куысты проректор, Уæрæсейы историон æхсæнады республикон хайады Советы сæрдар Туаты Бертæ. Гæгкуты Русланы ныхæстæм гæсгæ, университет стыр æвæрæн хæссы историйы специалистты цæттæ кæнынмæ. Бахаста хъæппæрис Дзæуджыхъæуы историон-документалон кинойы регионалон фестиваль саразыны хъæппæрис. Сергей Меняйло дæр уыцы æрхъуыдыйы фарс рахæцыд æмæ фæбæрæг кодта, Цæгат Ирыстоны истори, культурæ æмæ традицитæ бахъахъхъæнынæн цы мадзæлттæ арæзт цæуынц, уыдон иууылдæр сты ахсджиаг.