Коронавирусы ныхмæ вакцинаци бæстæйы регионты кæндзысты субъекты эпидемиологон уавæр хынцгæйæ. Сæрмагонд ивддзинæдтæ снысан кодтой Уæрæсейы æнæниздзинад хъахъхъæнынады министрады. Нацкъæлиндармæ прививкæтæ хæсдзысты фиппаинаг "эпидемиологон домæнтæм гæсгæ". Уый та ууыл дзурæг у, æмæ вакцинацийы тыххæй уынаффæ регион рахæссы уавæрмæ гæсгæ. Приказ дӕр аивтой, коронавирусы инфекци кæй нал парахат кæны æмæ бæстæйы низимæ баст уавæр кæй фæхорз, уымӕ гӕсгӕ. Фæлæ вакцинаци æнæмӕнг ацӕугӕ кæмæн у, ахæм къордтæ дæр снысан кодтой. Ахæм фæткмæ гæсгæ ныртæккæ куыст цæуы.