Кредиттæ афойнадыл чи нæ фиды уыдоны бæрц Цæгат Ирыстоны сси 8,1%

Кредиттæ афойнадыл чи нæ фиды уыдоны бæрц Цæгат Ирыстоны сси 8,1%. Уый экспертты хатдзæгтыл æнцайгæйæ. Адæмы кредитон хæсты рæстæмбис бæрæггæнæн æгас Уæрæсейы у 4,6%. Сæрмагонд иртæстытæ сарæзтой Æппæтадæмон фронты уæнгтæ. Специалисттæ æркастытсты Центробанк æмæ кредиттæ чи дæтты, æндæр ахæм организациты бæрæггæнæнтæм. Куыд рабæрæг, афтæмæй Уæрæсейæгты хæс афæдзы ‘рдæгмæ фæфылдæр 4,8%. Æдæппæтæй нæ бæстæйы цæрджытæн сæ кредитты нымæц у 16,19 трлн сомы. Фиддонтæ афоныл чи хæссы, уыцы субъектты раззагдæр разынд Мæхъæлы республикæ - 14,7%. Уæвгæ Цæгат Кавказы иннæ регионты: Хъæрæсе-Черкеси, Цæгат Ирыстоны æмæ Адыгейы республикæты уавæр бирæ хуыздæр нæу. Цæгатирыстойнæгтæ æмгъуыдмæ гæсгæ цы фиддонтæ нæ бахастой банктæм, уыцы æхцаты рæстæмбис та у 19 761 сомы бæрц. Æгас Уæрæсейы æнæфыст кредитты нымæцыл та бафтыд 22%. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv