Икъаты Русланбег фембæлд горæты цæрджытимæ

Дзæуджыхъæуы муниципалон сконды сæргълæууæг Икъаты Русланбег фембæлд горæты цæрджытимæ. Адæммæ разынд алыхуызон фарстатæ. Зæгъæм рауагъдад «Ир»-ы директор Таутиаты Хъазыбег, æрбацыд цалдæр фарстаимæ. Сæ иу баст уыд финансон къуылымпыдзинæдтимæ. Икъаты Руслабег зæрдæ бавæрдта, фарста аиуварс кæныныл кæй бакусдзæн, уый. Уымæй уæлдай ма Таутиаты Хъазыбег фæсидт, цæмæй рауагъдады чингуытæ уæй кæныны тыххæй сын радих кæной сæрмагонд киоск, кæнæ чысыл дукани. Йæ ныхæстæм гæсгæ, ахæм бæстыхай хорз ахъаз фæуыдзæн горæтмæ цы туристтæ ссæуынц, уыдонæн. Уымæй уæлдай ма Икъаты Русланбегмæ æххуысагур æрбцыдысты нæ республикæйы паддзахадон университеты студенттæ дæр. Ис сæм проект «Владикавказ - музей под открытым небом», зæгъгæ. Фæнды сæ университеты алфамблай граффитийæ саив кæнын. Икъаты Русланбег куыд фæнысан кодта, афтæ уый тыххæй хъæудзæн аныхас кæнын университеты разамындимæ. Уый фæстæ хъуыддаг фæрæстмæ уыдзæн. Дзæуджыхъæуы муниципалон сконды разамонæг æппæт курдиæттæм дæр байхъуыста æмæ ныфс бавæрдта алкæмæндæр кæй баххуыс кæндзæн, уымæй. Фембæлдмæ ма æрбацыдысты музыкалон инструменттæ аразджытæ. Тарскæйы фæсивæд ахæм куыстыл фæхæст сты. Фæнды сæ саразын сæхи ансамбль. Дзæуджыхъæуы муниципалон сконды разамонæг æппæт курдиæттæм дæр байхъуыста æмæ ныфс бавæрдта алкæмæндæр кæй баххуыс кæндзæн, уымæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv