Сыгъдæгдзинады номыл

Цæгат Ирыстоны сбæрæг кодтой дыууæ регионалон операторы. Уыдон кусдзысты комуналон хауæддзæгтæ æмбырд кæныныл, уыимæ, нæ республикæйы æппæт районты дæр. Хауæддзæгтимæ баст рацарæзт конд у федералон закъонмæ гæсгæ. Реформæйы амынд куыд ис, афтæмæй уал бырон хъæуы сæмбырд кæнын æмæ йæ фæстæдæр бакусын. Архайдзысты цалдæр къæпхæнмæ гæсгæ: бырæттæ-иу фыццаг равзардзысты, хауæддзæгтæй ма кæд исты саразæн уа, уæд сæ æрвитдзысты æмбæлгæ куыстуатмæ. Зæгъдзыстæм ма уый, æмæ 2030-æм азмæ нæ бæстæйы цардыуагон бырон ныгæнгæ хъуамæ мауал кæной. Уымæй уæлдай ма нæ республикæйы фæнд кæнынц саразын ног полигон, нырыккон домæнтæн дзуапп чи дæтдзæн, ахæм. Полигон хъæуы уый тыххæй, цæмæй уæлдæфмæ æвзæр тæф ма цæуа. Уæдæ зианхæссæг буаргъæдтæ цы хауæддзæгты ис. уыдоны бæрц дæр фæкъаддæр уыдзæн. Регионалон операторты куысты домæнтæ куыд æххæстгонд цæуынц, уымæ сæ хъус дардзысты Æрдзмæ цæстдарджытæ æмæ экологийы министрад. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv