Дзæуджыхъæуы пъæлицæйæгтæ рабæрæг кодтой хæдтулгæ чи адавта, ахæм нæлгоймаджы

Дзæуджыхъæуы пъæлицæйæгтæ рабæрæг кодтой, хæдтулгæ чи адавта, ахæм нæлгоймаджы. Пъæлицæйы хайадмæ æххуысагур æрбацыд 23-аздзыд нæлгоймаг. Куыд радзырдта, афтæмæй йын йæ хæдтулгæ адавтой йæ хæдзары дуарæй. 300 мин сомы аргъ чи у, ахæм «Мерседес» цыбыр рæстæгмæ ссардтой барадхъахъхъæнджытæ. Пъæлицæйæгтæ цырд фæлæууыдысты, сарæзтой сæрмагонд басгæрст, æрфарстой адæмы. Знаггадгæнæджы æрцахстой Дзæуджыхъæуы Кировы хидыл. 26-аздзыд Михайловскæйы цæрæг йæ аххосыл басаст. Куыд рабæрæг, афтæмæй хæдтулгæ адавæг хигъдауæй рацыд тагъд æххуысы клиникон рынчындонæй. Фистæгæй ныццыд Ногирмæ æмæ уым кусгæ хæдтулгæйы бабадт, æмæ йæ аскъæрдта. Ныртæккæ закъонхалæджы ныхмæ байгом кодтой уголовон хъуыддаг 166 уацмæ гæсгæ. Пъæлицæйы кусджытæ иу хатт ма сидынц Дзæуджыхъæуы цæрджытæм, цæмæй уой къæрцхъусдæр, сæ мулк хъахъхъæной æмæ сæ хæдтулгæтæ æвæгæсæй ма уадзой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv