Дзæуджыхъæуы дыууæ цæрæджы дуканийæ æхца адавтой

Мидхъуыддæгты министрады кусджытæ æвæстиатæй раргом кодтой давды хъуыддаг. Пъæлицæйы радхæссæг хайадмæ фæхабар кодтой, Пушкины номыл дукани кæй адавтой, уый тыххæй. Дуканийы кусæг куыд радзырдта, афтæмæй закъонхалджытæ уыдысты дыууæйæ. Цалынмæ дзы иу уæйгæнæджы ныхæстыл дардта, уæдмæ иннæ фæлæбурдта кассæйы æхцамæ. Сылгоймаг бафæлвæрдта закъонхалджыты бауромын æмæ цъæхахст кæнын райдыдта. Фæлæ æрыгон нæлгоймæгтæ алыгъдысты. Уæйгæнæг Пъæлицæмæ бадзырдта æмæ уыдон бынаты æрбалæууыдысты. Слестгæнæн къорд байхъуыста, цавæртæ уыдысты давджытæ æмæ цæмæй бæрæг кæнынц, уымæ. Пъæлицæйы радхæссæг къордтæн дæр сæ фæхабар кодтой. Уыимæ ма æрфарстой æвдисæнты дæр. Оперативон-агурæн мадзæлтты фæрцы азымджын кæй кæнынц, уыдоны æрцахстой. Давджытæ разындысты нæ республикæйы 25 æмæ 23-аздзыд цæрæджытæ. Дыууæйæ дæр раздæр дзуапп лæвæрдтой тæрхондоны раз уголовон кодексы алыхуызон статьятæм гæсгæ. Закъонхалджыты æрбаластой пъæлицæйы хайадмæ. Цы ' хца адавтой, уыдоны хай сæ фæстæмæ райстой. Ныртæккæ слестгæнæн органтæ байгом кодтой уголовон хъуыддаг Уæрæсейы уголовон кодексы 161-æм статьямæ гæсгæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv