Алагиры 5 æм скъола рацараздзысты ног ахуыры азмæ

Цæгат Ирыстоны скъолатæй бирæтæ сты бындуронæй цалцæггæнинаг. Ахуырадон уагдæттæм сæ сарæзтæй нырмæ бæстон зылд нæ уыд. Æдæппæтæй республикæйы бындуронæй рацараздзысты 13 скъолайы. Федералон бюджетæй сын рахай кодтой 196 милуан сомæй фылдæр. Бындуронæй цалцæггонд скъола - ног ахуыры азмæ. Алагиры фæндзæм скъолайы райдыдтой цалцæггæнæн куыстытæ. Ныридæгæн бавнæлдтой райдайæн куыстытæм. Хъуылымбегты Тариэль куыд бафиппайдта, афтæмæй кабинеттæ суæгъд кодтой æппæт уæлдай дзауматæй. Ныр къултæ сыгъдæг кæнынц æмæ пъолтæ калынц. Ахуыргæнджытæ æмæ ныййарджытæн сæ хъарутæ æмæ авналæнтæ куыд амыдтой, афтæ-иу базылдысты скъоламæ. Цы 50 кабинеты дзы ис, уыдонмæ уæлдай цæстдард уыд. Цæмæй ахуырдзаутæ райдзаст æмæ аив кълæсты ахуыр кæной, уый тыххæй сын арæзтой æппæт фадæттæ дæр. Ныр дыууæ къуырийæ фылдæр фыдæбон кæнынц кусджытæ. Скъолайы хæрæндон, спортивон зал, къæлидорты сæ къултæ æмæ пъолтæ ивынц. Райсомы 8 сахатæй изæрмæ кусджытæ архайынц æппæт хъарутæй. Паддзахадон программæ «Развитие образования»-йы фæлгæты куыстытæ æххæстгонд æрцæудзысты ацы аз. Æдæппæтæй республикæйы ацы æмæ иннæ аз бындуронæй сцалцæг кæндзысты республикæйы 13 скъолайы. Федералон бюджетæй сын рахай кодтой 196 милуан сомæй фылдæр. Дзанкъисты Ирмæ, РЦИ-Аланийы ахуырад æмæ наукæйы министры хæдивæг: «Ацы проекты фæлгæты нысангонд цæуы бындурон цалцæг, куыд Алагиры 5-æм скъола, афтæ уæллаг Бирæгъзæнджы скъола дæр. Уымæй уæлдай ма ноджы дæр цалдæр скъолайы пъланмæ гæсгæ сцалцæг кæндзысты. Уыдоны `хсæн -   Дзæуджыхъæуы 11-æм æмæ Ногиры 1-æм скъолатæ. Рацараздзысты сæ Национ проект «Жилье»-йы фæлгæты». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv