Дзæуджыхъæуы уыд æрыгæтты `хсæн ерыстæ национ спорты хуызтæй

Дзæуджыхъæуы 46-æм æстæуккаг скъолайы уыд Цæгат Ирыстоны чемпионат «ивазæнтæ» æмæ «чъопп»-æй. Куыд алы аз дæр, афтæ ныр дæр сæ дæсныдзинад равдисынмæ æрбацыдысты республикæйы алы рæттæй. Уыдысты алы кары лæппутæ. Æдæппæтæй – æстай архайæджы. Сарæзтой сын æппæт фадæттæ дæр, цæмæй зæрдæргъæвдæй сæхи цæттæ кæной ерыстæм. Раздæр нæ фыдæлтæ сæ хъару цы хъæзтыты æвзæрстой, уыдон ныры рæстæг нымад цæуынц спортивой хуызыл. Зæгъæм, ивазæнтæн фæзынд ног домæнтæ æмæ æгъдæуттæ. Сæрмагонд фæйнæджы æххуысæй архайджытæн сæ бон у иу ранæй иннæ ранмæ хизын, цæмæй хъазт цымыдисагдæр. Уæдæ архайгæ цы лæдзæгæй кæнынц, уый дæр у нырыккон. Кæд раздæр сывæллæтты хуымæтæг хъазт уыд, уæд æй ныр бахастой Уæрæсейы спортивон хуызты реестрмæ. Архайынц дзы фæлтæрдджын спортстментæ. Сæ арæхстдзинад æвдисынц æндæр хъæзтыты дæр. Ацы спорты хуыз та хуыйны чъопп. Чъоп йæхæдæг у сæгъы, кæнæ фысы цармæй конд волан. Астæуæй йыл ис, йæ диаметр 2 см кæмæн у, ахæм здыйæ конд æгънæг. Чъоппы уагæвæрдтæ алы регионы дæр вæййынц алыхуызон, фæлæ йæ сæйраг домæн у – чъопп къахæй цæвын, цæмæй зæхмæ ма ’рхауа. Кæмæн фылдæр бантыст, уый фæуæлахиз. Хъазт парахатгонд у Сыбыры, Кавказы, астæуккаг Азийы, уæлдайдæр Ирыстоны. Алекс Дзигоев, архайæг: «Ацы хъæзтытæй хъазыдыстæм мах гыццылтæй. Нæхи æмбарынхъом куы фестæм, уæд нæм тынг цымыдисаг кæсын райдыдта. Уалдайдæр та ацы хъæзтытæй нæ фыдæлтæ кæй хъазыдысты, уый нын æхсызгон у, æмæ йæ дарддæр мах кæронмæ хæццæ кæндзыстæм». Дыууæ хъазтæй ерыстæ кæд иннæ хæттыты арæзт уыдысты хицæнæй, уæд сæ ацы хатт та баиу кодтой. Сарæзтой сæ «Ирон федераци» æмæ Цæгат Ирыстоны физкультурæ æмæ спорты министрады хъæппæрисæй. Сæ дæсныдзинад равдисынмæ æрбацыдысты республикæйы алы рæттæй. Уыдысты алы кары лæппутæ. Æдæппæтæй – æстай архайæджы. Раздæры ирон хъæзтытæ ныртæккæ парахат кæнын райдыдтой, фæсивæд дзы цымыдисæй архайынц. Цæгат Ирыстоны национ спорты хуызтæ æмæ культурæйы федерацийы минæвар Цгъойты Тамерланы ныхæстæм гæсгæ, кæд дзæвгар рæстæг рацыд, уæддæр ацы хъæзтытæ сты актуалон. Ацы ерысты хатдзæгтæм гæсгæ, йæхи æнтыстджындæрæй чи равдиса, уыдоны равзардзысты республикæйы иугонд командæмæ. Уыцы къорд та дарддæр архайдзæн Уæрæсейы чемпионаты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv