Бæркадджын фæззæг

Ацы аз Цæгат Ирыстоны зæхкусджытæнт рауад бæркадджын. Æрмæст картоф ныссагътой 2000 мин гектарæй фылдæр. Ныр фæллой хъæуы бафснайын. Фæлæ хъыгагæн, кусджытæ фаг нæ кæны. Ацы зæххыл картоф мæй размæ бафснайын хъуыд, фæлæ хъыгагæн нæ рауад. Кусджытæ фаг нæ уыд. Ацы аз тынг бæркаджын рауад. Æнæхъæн республикæйы картоф байтыдтой 2300 гектарыл. Фæллой бапълан кæныныл архайдтой аллы районтæй, уыдысты 6 къорды, фæлæ уæддæр кусæн къухтæ фаг не сты. «Куыд уынут, афтæ кусджытæ фаг не сты, кусынц æрмæстдæр 6къорды, Тарскæйæ. Алагирæй, Сунжæ æмæ Урсдонæй. Газеты дæр ма ныффыстам, кусджытæ кæй хъæуы, уый. Адæм нæм фæдзурынц, фæнды сæ кусын, æмæ цæ исты хуызы æрæмбырд кæнын хъæуы картоф», — зæхкусæг Кцойты Владимир. Зæхкусджыты ныхæстæм гæсгæ, кусæн къорды вæййы 12 адæймагæй фылдæр. Аллы кусæг дæр мызд райсы. Сæ мызд та цын сбæрæг кæнынц сæ куысты хъæрхъæддæрдзинадмæ гæсгæ. «Абоны онг картоф æрæмбырд кодтой 250 -300 центнеры. Нырыккон техникæйæ цы хъæууон хæдзарады кусджытæ бафснайдтой сæ фæллой,уыдон фылдæр какртоф æрæмбырд кодтой. Кæй зæгъын æй хъæуы ацы аз иннæ æзтæй бæркадджын дæр у», — Цæгат Ирыстоны Хойраг æмæ хъæууон хæдзарады министы хæдивæг Мæрзойты Хъазыбег. Цæмæй халсарты фермæты кусджыты куыст фенцондæр уа, уый фæдыл Цæгат Ирыстоны хойраг æмæ хъæууон хæдзарады министрад бафæлвардзæн сæрмагонд программæйы руаджы бацархайын, цæмæй фермертæн радих кæной æфснайæн гæрзтæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv