Афæдзы райдианæй республикæйы фадынæг рабæрæг 31 адæймагмæ. Фæлхасгæнджытæм цæстдарды управленийы хъусынгæнинагмæ гæсгæ, иртæст æрцыдысты лабораторон хуызы. 28 адæймаджы сты медицинон уагдæтты. Рынчынты 'хсæн 22 — сывæллæттæ. Æппæтæн дæр сæ буары тæвд бæрзонд бæрæггæнæнтæм хизы, риссы сæр, сæхи æнкъарынц лæмæгъ. 3 - 5 бонмæ та буарыл фæзыны лыстæг тæппытæ. Рынчынтæ прививкæгонд не сты. Уавæр хынцгæйæ, бæстæ æмæ республикæйы сæйраг санитарон дохтыртæ бафыстой бардзырд иммунизаци саразыны фæдыл. Уый у фæндонмæ гæсгæ. Вакцинаци ацæуæн ис лæвар.