Дзæуджыхъæуы скъолаты хистæркласон чызджыты хсæн уыд конкурс «Ирон дæн æз»

Абон бирæ ныхас цæуы нæ мадæлон æвзаг бахъахъхъæныныл, йæ дарддæры рæзтыл æмæ фæзминаг æгъдæуттæ сног кæныныл. Цæмæй рох ма аззайой, уый тыххæй республикон æхсæнадон змæлд «Иудзинад»-ы уæнгтæ радон хатт сарæзтой конкурс «Ирон дæн æз». Арæзт уыд Дзæуджыхъæуы 13-æм скъолайы. Хуыздæры ном райсыныл радон хатт тохы бацыдысты хистæркъласон чызджытæ. Сæ хъарутæ фæлвæрдтой ирон æгъдæуттæ æмæ традицитæ хуыздæр зонынæй, мадæлон æвзагыл нывæцæн ныффыссынæй, раздæры фæлтæртæ цæмæй пайда кодтой, уыцы кусæнгæрзты тыххæй аив радзурынæй. Стæй æндæр хъуыддæгтæй. Уæлахиздзауты схорзæгъдын кодтой дипломтæй æмæ зæрдылдарæн лæвæрттæ. Хуыздæртæ дарддæр сæ хи фæлвардзысты кæронбæттæн ерысты Метæллургты галуаны. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv