Бæстон цæстдард

Строящиеся объекты Северной Осетии вновь под пристальным контролем премьера республики. Таймураз Тускаев вместе с профильными министрами проинспектировал социально-значимые стройки. Увиденным остался доволен: выяснилось, что некоторые объекты планируют сдать даже раньше сроков. Как идут работы на местах - в репортаже Карины Гиголаевой. Тускъаты Таймураз радон хатт æркаст, республикæйы ахсджиаг объектты арæзтадмæ. Æппæты фыццаг йæ фæндаг акодта тарниз дзæбæхгæнæн диспансЕрмæ. Ам куыстытæ иу бон дæр нæ лæууынц. Хицауады сæрдар æмæ æнæниздзинад хъахъхъæнынады министр Михаил Ратмановимæ федтой фыццаг корпус. Уыдзæн дзы цалдæр хайады, се хсæн сывæллæттæн дæр. Ныртæккæ дзы цæуынц къултæ аивгæнæн куыстытæ. Аразджыты ныхæстæм гæсгæ, уæззау рынчын сылгоймæгтæ æмæ нæлгоймæгты корпустæм æмткæй райсгæйæ, цæттæ сты. Аразджытæ 400 адæймаджы сты. Куыстытæ цæуынц бæлвырд фæткмæ гæсгæ. Объект хъуамæ сцæттæ уа афæдзы кæронмæ. Фæстæдæр Тускъаты Таймураз ахуырад æмæ наукæйы министр Азымты Иринæ æмæ Дзæуджыхъæуы администрацийы сæргълæууæг Æлбегаты Барис бабæрæг кодтой ахуырады объекттæ. Æркастысты 280 бынатæн рæвдауæндон куыд арæзт цæуы 18-æм микрорайоны, уымæ. Конд уыдзæн 5 нырыккон корпусæй, скодтой дзы бассейн дæр. Пъланмæ гæсгæ, куыстытæ февралы фæуыдзысты. Фæлæ аразджыты зæрдæ бавæрдтой афæдзы кæронмæ кæй сцæттæ уыдзæн, уымæй. Кæронмæ фæхæццæ кæны 12-æм микрорайоны ног скъолайы арæзтад дæр. Ахуыр кæныны фадат дзы уыдзæн 500 сывæллонæн. Ныртæккæ кусынц бæстыхайы дыккаг уæладзыгыл. Бавнæлдтой æртыккаг уæладзыг амайынмæ. Скъолайы иумæйаг фæзуат у 6,5 мин квадратон метры. Тускъаты Таймураз ма æркаст Мичурины, Мустыздæхы æмæ Фарныхъæуы скъолаты спортзалты цæттæдзинадмæ. Иннæ объект - Хъæдгæронæй Бирæгъзæнгмæ фæндаг. Ам премьермæ æнхъæлмæ каст республикæйы фæндæгты хæдзарады комитеты сæрдар Солиты Тариэль. куыд радзырдта, афтæмæй фæндаджы 6 километры сцалцæг кодтой. Тагъд дзы æвæрын райдайдзысты фæндаггон нысантæ æмæ амонæнтæ дæр. Фæндаджы иумæйаг дæргъ та 17 километры у. Кæронмæ йæ 2020-æм азмæ сцæттæ кæндзысты. Дарддæр та инспекцийы уæнгтæ сæ фæндаг акодтой Æрæфы районмæ. Уым æркастысты Цыколайæ Мацутæмæ æмæ Комы-Артмæ фæндæгты цалцæггæнæн куыстытæ куыд цæуынц, уымæ. Уæ зæрдыл уын æрлæууын кæндзыстæм, тыхджын къæвдаты фæстæ фæндаг фехæлд. Зæхх 4 метры арфæн ныббадт. Тынгдæр куы ныккæла, уымæй тæссаг кæй уыд, уый аххосæй куыстытæ 2 къуырийы размæ райдыдтой . Снх Тариэль Солиев о дороге в мацуте:  «Фæндаджы бын зæхх бацæттæ кæныны куыст фестæм. Райсом райдайдзыстæм фæндаджы бындур æвæрын. Уый фæстæ йыл цæуыны фадат фæзындзæн. Бамбæрздзыстæм æй. Стæй та дзы фæндаджы былгæрæтты сæвæрдзыстæм быруттæ æмæ фæндаггон нысæнттæ». Мæцутæйы фæстæ та æркастысты Цыколайы уавæртæм. Ам цалцæг кæнынц Фадзайы-фырты уынджы фæндаг. Йæ дæргъ у 1,5 километры. Тагъд дзы æрæвæрдзысты асфальт æмæ бордюртæ. Аразджыты ныхæстæм гæсгæ, афæдзы кæронмæ фæндаг сцæттæ уыдзæн. Уымæй уæлдай ма Кировы районы Ставд-Дурты фæндаджы 6 километры. Куыстытæ цæуынц æрвылбон. Тускъаты Таймураз бæстон æркаст алы объектмæ дæр. Куыд загъта, афтæмæй фæндæгты уавæр æппæты ахсджиагдæртæй фарстатæй иу у. Тускъаты Таймураз бафиппайдта, дарддæр дæр социалон ахадындзинад кæмæн ис, уыцы бæстыхæйтты арæзтадмæ уæлдай бæстон кæй кæсдзысты, уый. Куыстытæ хъуамæ фæуой бæлвырд æмгъуыдмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv