Æмдзæвгæ «Ныстуан» 105 алыхуызон æвзагыл

Хетæгкаты Къостайы юбилеймæ Цæгат Ирыстоны наукон чиныгдон бацæттæ кодта миниатюрон чиныджы æртыккаг рауагъд. Бакæсæн дзы ис поэты иунæг æмдзæвгæ «Завещание», фæлæ 105 алыхуызон æвзагыл. «Завещание» всем народам земли…», зæгъгæ, интерактивон зонадон проекты фæлгæты базонæн ис йæ мадæлон æвзагмæ чи ратæлмац кодта æмæ тæлмацгæнджыты чи суардта, уыцы адæмы тыххæй информаци. Ныр Къостайы ныстуан апарахат Уæрæсейы адæмыхæттыты æмæ фæсарæйнаг æвзæгтыл. Афтæмæй Къостайы сфæлдыстад тæлмацгонд æрцыд китайаг, япойнаг, немыцаг, индиаг, литоваг, якутаг, абхазаг, суанг ма æмдзæвгæйы тæлмац æрбарвыстой киньяруанда, зæгъгæ, африкаг æвзагыл! Чиныгдоны кусджытæ фæбузныг сты Къостайы æнæмæлгæ уацмысыл чи бакуыста, уыдонæй. Алы нациты, алы контенттæй адæмы сбаста Къостайы сфæлдыстад. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv