Фермертæн æххуыс

Нæ республикæйы хицауад хъæууон хæдзарады райрæзтмæ здахы уæлдай æргом. Фермертæн æххуыс кæнынц гранттæ æмæ паддзахадон программæты фæлгæты. Абон та нæ республикæйы хъæууон хæдзарады министрады минæвæрттæ абалц кодтой Горæтгæрон районмæ. Æркастысты стурвос кæм дарынц, уыцы фермæтæм. Фермертæ министрады минæвæрттæн радзырдтой сæ фæндтæ æмæ сæ пълæнтты тыххæй. Кæмæндæр фæрæзтæ нæ фаг кæны сæ агъуыстытæ бацалцæг кæнынæн, кæмæндæр та- йæ фосы нымæц фæфылдæр кæнынæн. Нæ республикæйы хъæууон хæдзарады министрады сææргълæууæг Уазиты Хъазыбег куыд фæбæрæг кодта, афтæмæй грантты программæйы фæрæзтæ фаронимæ абаргæйæ сты фылдæр. Уымæ гæсгæ та, бацархайдзысты программæмæ фермертæй кæй бахастой, уыдонæн се 'ппæтæн дæр баххуыс кæнын. Майы мæйы хъуамæ фæрæзтæ дихгонд æрцæуой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv