Владимир Путины исæнуаты абон уыди цæрджытимæ фембæлд. Æмбырд амыдта Уæрæсейы Президенты æххæстбарджын минæвар Цæгат Кавказы федералон зылды Юрий Чайка. Видеобастдзинады хуызы дзы архайдта Сергей Меняйло дæр. Бæстæйы Президенты бардзырдмæ гæсгæ, байхъуыстой цæрджыты курдиæттæм. Исæнуатмæ чи æрбацыд, уыдоны æхсæн уыд Цæгат Ирыстоны цæрæг Дана Бачалова. Хауы, æнæ ныййарджыты æххуысæй чи баззад, уыцы сывæллæтты категоримӕ. Дзæуджыхъæуы хæдзар райсынмæ рады лæууы 2012 азæй. Президентæй ракуырдта хицæн цæрæнуаты цæрыны фадат. Регионы разамонæджы ныхæстæм гæсгæ, социалон хъахъхъæнынады управлениимæ сылгоймаджы фарстайы фæдыл хъæугæ бадзырд бафыстой. Июлы кæрон аивгонд ног фатермæ бакъахдзæф кæндзæн. Афæдзы кæронмæ ма фатертæ райсдзысты 70 сидзæр-сывæллоны.