Медицинон академийы студенттæ систы æппæтадæмон конгрессы призертæ æмæ уæлахиздзаутæ

Цæгат Ирыстоны медицинон академийы студенттæ систы æппæтдунеон конгресс «Здоровье и образование в XXI веке»-йы призертæ æмæ уæлахиздзаутæ. Форум цыд Мæскуыйы 17 декабрæй 19 декабры онг. Нымад у Уæрæсейы æппæтæй егъаудæр медицинон форумтæй иуыл. Архайдтой дзы нæ бæстæ æмæ фæсарæнтæй 32 уæлдæр ахуыргæнæндоны. Цæгатирыстойнаг студенттæ бацахстой 3-аг, дыккаг æмæ иу фыццаг бынат. Медицинон академийы сæ схорзæхджын кодтой димплотæ æмæ кубоктæй. Сæ куыстытæ баст уыдысты социологи, педагогика, акушерство æмæ гинекологи, стоматологи æмæ æнæниздзинад хъахъхъæнынады къабæзтимæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv