Кæдæй - уæдæй!

Гугкайы-фырты æмæ Мæскуыйы уынгтæ кæм баиу вæййынц, уым байгом кодтой зæххы бынты ахизæн. Цалцæг кæнын æй райдыдтой Дзæуджыхъæуы администрацийы сæрдар Æлбегаты Барисы фæдзæхстæй. Абон йæхæдæг æрбацыд ног бынат фенынмæ. Зæххы бын цæуæн æнæхъæнæй аивтой. Къултæ сфæлыстой керамогранитæй, сæвæрдой дзы æфсæйнаг дуæрттæ, рухс ногæй бауагътой. Ахизæн ифтонг у видеокамерæтæй дæр. Йæ сыгъдæгдзинадмæ йын кæсдзысты алы бон. Уынджы зæххы бын ахизæн кæй фæзынд, уый ахсджиаг у. Бирæ машинæтæ дзы фæцæуы. Уый тыххæй, арæх, хъыгагæн, фистæгæйцæуæг фыдбылызы бахауы. Ныр уынджы иннæ фарсмæ ахизын уыдзæн æнцондæр æмæ фæахъаз уыдзæн адæмы æдасдзинадæн. Пайдагæнæн дзы ис абонæй фæстæмæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv