Рамбылдтой

Ивгъуыд сабаты цæгатирыстойнаг регбистты къорд «Сармат»-йæн æнтысджын рауад. 28:6 хыгъдимæ рамбылдтой Грознайæ командæ. Спортменты фарс рахæцынмæ æрцыдысты бирæ адæм. Цæгат Кавказы Хæххон-Металлургон институты стадионы уæгъд бынат нæ уыд. Хъаст цымыдисаг рауад. Уæ зæрдыл уын æрлæууын кæндзыстæм ацы матч у чемпионаты дыккаг хай. Фаццаг арæзт æрцыд Баксаны. Архайдтой дзы Налцыкк æмæ Дзæуджыхъæуы командæтæ. Зæгъдзыстæм ма уый дæр æмæ ацы спорты хуыз чи уарзы, уыдон Цæгат Кавказы республикæты азæй-азмæ фылдæр кæнынц. Регби клуб «Сарматы»-йы командæйы капитан Джиоты Сандро: «Ацы матчы уыдысты хъазæн фæзмæ фыццаг хатт чи рацыд, ахæм спортсментæ. Мæ бон зæгъын у æмæ цын дебют уыд. Мах бахкуыстам нæ техникæйыл, ахуыр кодтам алыхуызон комбинацитæ, хъазты цавæрдæр сусæгдзинæдтæ æмæ фæзилæнтæ. Нæ ныхмæлæууæг командæ дæр тыхджын у. Зæгъæн ис æмæ нæ цæттæдзинадмæ гæсгæ æмдых уыдыстæм. Фæлæ спортивон амонд махмæ бахудт, стæй, вæвццæгæн мах гыццыл тыхджындæр уыдыстæм.  Ууыдон дæр æмæ мах æрыгон командæтæ стæм». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv