Сывæллæтты рынчындоны райдыдтой арæзтадон куыстытæ

Нæ республикæ национ проектты æнтыстджынæй кæй архайы, уый ног хабар нæу. Уыимæ алы къабазы дæр. Зæгъæм, æнæниздзинад хъахъхъæныны хуыздæрмæ ивддзинæдтæ рагæй цæуынц. Зæгъæм, сывæллæтты республикон клиникон рынчындоны ивгъуыд мæйæ нырмæ арæзтад бацайдагъ. Хъуамæ дзы фæзына сывæллæтты ног поликлиникæ æмæ соматикон корпусмæ ног æмхасæн. Куыстытæ куыд цæуынц æмæ сабиты дзæбæх кæныны уавæртæ куыд аивдзысты, уый базыдта нæ уацхæссæг Биджелты Бертæ. Йе `рмæгмæ ма йын бакæсæм. Арæзтадон куыстытæ сывæллæтты республикон клиникон рынчындоны райдыдтой 5-æм июны. Арæзт цæуынц национ проект "Здравоохранение"-йы сывæллæтты æнæниздзинад хъахъхъæныны рæзты программæйы фæлгæты. Проектмæ гæсгæ сывæллæтты рынчындоны сараздзысты ног сывæллæтты поликлиникæ. Йæ бон уыдзæн бонмæ 150 сывæллоны исын. Уымæй уæлдай ма дзы фæзындзæн ног æмхасæн бæстыхай соматикон корпусмæ дæр. Афтæмæй йæ хъомысад фæфылдæр уыдзæн 3 хатты. Фæрæзтæ радих кодтой федералон æмæ республикон бюджеттæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv