Уæрæсейы кинотеатры æвдисын райдыдтой киноныв «Непрощенный»

Абонæй фæстæмæ Уæрæсейы кинотеатрты `вдисын райдыдтой режиссер Сарик Андреасяны киноныв «Непрощенный». Арæзт у не `мзæххон Калоты Виталийы судзаг хъысмæты бындурыл. Куыд зонут, афтæмæй ацы ирон лæджы амондджын цард иу бонмæ къæссавæлдæхт фæцис. Æрхъæцмæ дæр кæуыл нæ хъæцыд, йæ уыцы бинонтæ фæмард сты Германийы сæрмæ. Адзалы фæндагыл бафтыдысты йæ бинойнаг æмæ йæ дыууæ сывæллоны. Мæскуыйæ Барселонæмæ чи ратахт, уыцы хæдтæхæг швейцариаг диспетчер Питер Нильсены аххосæй йæхи скъуырдта уæзæгтæ ласæн «Боингимæ». Фыдбылызы амæттæгтæ баисты 71 адæймаджы. Калоты Виталий йæхи цæстæй авиацион бæллæх фенынмæ ацыд Германимæ, суанг ма йæ бинонты дæр ссардта. Уыцы бонæй фæстæмæ йын йæ цард ад нал кодта. Ссардта азымджын диспетчеры, цæмæй уый Калойы-фыртæй хатыр ракура. Фæлæ дарддæр цы рауад, уый алчидæр зоны. Бафтаудзыстæм ма уый, æмæ сæйраг роль кинонывы ахъазыд зындгонд уæрæсейаг актер Дмитрий Нагиев. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv