ЦИПУ-йы физикон-техникон факультет рамбылдта мегагрантты æркасты

Цæгат Ирыстоны Паддзахадон университеты физикон-техникон факультет рамбылдта мегагрантты æркасты. Уый фæдыл сын рахай кодтой 60 милуан сомы. Уыцы æхцайы фæрæзтæй сараздзысты катализ æмæ физикæйæ уæлцъары дунеон æмвæзадыл лаборатори. Университеты куыд хъуыды кæнынц, афтæмæй ахæм лабораторийы фæрцы араздзысты фылдæр иртæстытæ, уыимæ ма фæсивæды ’ргом наукæмæ раздахдзысты. Университеты физикон-техникон факультеты декан Тваури Ингæйы ныхæстæм гæсгæ, ахæм лабораторийы фæрцы университеты арæхдæр араздзысты æппæтадæмон ахуырадон форумтæ. Гранттæ рахай кæнынц наукон иртæстыты тыххæй, нæ бæстæйы наукон-технологон райрæзты хæслæвæрдтты фæдыл. Сбæрæг сæ кæны наукон-технологон райрæзты стратеги. Уый та пайда вæййы инновацион экономикæйы æмæ кадрты уæлдæр квалификацион цæттæдзинадæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv