Битарты Вячеслав фембæлд адæмимæ

Битарты Вячеслав фембæлд республикæйы цæрджытимæ. Байхъуыста сын сæ курдиæттæм. Ацы хатт æм æрбацыди 12 адæймаджы. Республикæйы сæргълæууæг бæстонæй байхъуыста куысты бынæттæ ссарынимæ, сывæллæты рæвдауæндæттимæ æмæ медицинæимæ баст курдиæттæм. Йæ цардамæлтты тыххæй хъастимæ йæм æрбацыд Тускъаты Заремæ. У бирæсывæллонджын мад. Цы равдауæндонмæ йын цæуынц, уырдæм уазалæй бацæуæн нæй. Зæронд рудзгуытæй дымгæ сыффыт кæны æмæ рагæй ивинаг сты. Битарты Вячеслав зæрдæ бавæрдта, 1 сентябрьмæ уыцы фарста дæр лыггонд кæй æрцæудзæн, уымæй. Дарддæр байхъуыста Еленæ Серафимскаямæ. Сылгоймаг ракуырдта электрон тыхæй кусгæ коляскæ æмæ хæрдмæ исæн фæрæз. Йæхицæн нæ, йе `нæниздзинад хъыгдард кæмæн у, уыцы сыхагæн. Битарты Вячеслав фæллой æмæ сæциалон рæзты министрадæн бахæс кодта, цæмæй сылгоймаджы уавæрмæ лæмбынæг æркæсой. Иннæ курдиæттæ дæр æнæ цæстдардæй нæ баззайдзысты. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv