Фæстаг дзæнгæрæг

Алайнаг гимназы ахуыры азы кæроны агъоммæ азæлд фæстаг дзæнгæрæг. Уый фæдыл скъоладзаутæм уазæгуаты æрбацыдысты Цæгат Ирыстоны сæргълæууæг Битарты Вячеслав, республикæйы хицауады сæрдары хæдивæг Азымты Иринæ æмæ хицауады уæнгтæ. Нæ республикæйы сæргълæууæг ахуырдзаутæн ракодта арфæ. Куыд бафиппайдта афтæмæй Алайнаг гимназ кæд нырма дыууæ азы кусы, уæддæр йæ ахуырдзаутæ ахуыры æвдисынц хорз бæрæгæнтæ. Сабитæ кадджын бонмæ сæхи бæстонæй бацæттæ кодтой. Равдыстой хъæлдзæг номыртæ акодтой ирон кæфтытæ. Хуыздæр ахуыргæнинæгты схорзæхджын кодтой кады гæххæтытæй. Бафтаудзыстæм ма уый Алайнаг гимназы ахуыр кæнынц 100 сывæллоны. Уыдон сты фыццæгæм æмæ дыггæгæм кълæсты ахуырдзаутæ. Фидæны аз дæр ахуыдзауты нымæцыл бафтдзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv