Тауытты Чермен æмæ Тускъаты Азæмæт систы Иван Ярыгины номыл турниры бронзæ призертæ

Тауытты Чермен æмæ Тускъаты Азæмæт систы Иван Ярыгины номыл турниры бронзæ призертæ. Тауытты Чермен 61 кг уæзы йæ ныхмæлæууæг Абдурахман Расуловыл фæуæлахиз 16:6 хыгъдимæ. Тускъаты Азæмæт 57 кг уæзы 10:2 хыгъдимæ рамбылдта Артур Чебодаевы. Абон Уалыты Радик æрдæгфиналы гауызыл фембæлдзæн Гаджимурад Алихмаевимæ. Хуыбылты Хъазыбег та Белоруссийæ спортсмен Денис Храменковимæ. Уæ зæрдыл уын æрлæууын кæндзыстæм, Иван Ярыгины номыл æппæтадæмон ерыстæ цæуынц Краснодары. Æрбамбырд кодтой 13 бæстæйæ 300 тыхджындæр спортсменты. Нæ республикæйы номæй дзы архайынц 39 богалы.