Æнæнхъæлæджы «Фембæлд»

Æнæнхъæлæджы хабар - Мæскуыйы рдыгæй. Дзæуджыхъæуæй Уæрæсейы сæйраг горæтмæ цы хæдтæхджытæ араст вæййы, уыдонæй иуимæ æрцыд, адæймаг кæмæй фегуыппæг вæййы, ахæм хъуыддаг. Мæскуымæ куыд фæцæйхæццæ кодта, афтæ йæ размæ фæндагыл фæзынд æндæр хæдтæхæг. Куыд рабæрæг, афтæмæй уый та Мæскуыйæ ратахт Гуырдзыстонмæ. Иуæй-иу хъусæнгæнинæгтæм гæсгæ, хæдтæхджыты скуыста, цавæрдæр объект сæм æгæр кæй фæхæстæг, уый нысангæнæг системæ. Фæстæдæр куыд рабæрæг, афтæмæй хæдтæхджытæй иу уыдис 7 мин æмæ 900 метры бæрзæндыл, иннæ та - 7 мины æмæ 600 метры. Авиацион миниуджытæм гæсгæ, уый тынг хæстæг у. Ныртæккæ специалисттæ кусынц, цæмæн афтæ рауад, уый аххосæгтæ раиртасыныл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv